Ønsker du å fargeleggje kyrkja sin bodskap om Guds kjærleik og byggje kyrkjelyd gjennom allsidig musikk som formidlar, leikar og trøystar?
Då håpar vi du vil søkje på denne stillinga som kantor/kyrkjelydsmusikar. I Sund sokn vil du få vide rammer til å utvikle det kyrkjemusikalske arbeidet. Du vil og få høve til å vidareutvikle ein lokal musikktradisjon som omfattar eitt breitt spekter av musikalske sjangrar.
Visjonen til Øygarden kyrkjelege fellesråd er «Nær Gud, nær menneske.» Vi er eit stort fellesråd, med fem sokn og om lag 39 000 innbyggarar der 73% er medlemer i Den norske kyrkja. Fellesrådet har om lag 50 tilsette som er organisert i både fagseksjonar og i tverrfaglege sokneteam. Stillinga som kantor/kyrkjelydsmusikar høyrer til seksjon for kyrkjemusikk, og er primært knytt til Sund sokn. I Sund sokn er det to kyrkjer, Sund- og Kausland kyrkje.
Besøk nettsida vår her og bli betre kjend med oss, ring oss, eller kom innom for ein prat på vårt trivelege kyrkjekontor på Straume.
Øygarden kyrkjelege fellesråd ønskjer mangfald med omsyn til kjønn, alder, funksjonshemming, kulturell bakgrunn og/eller hol i CV-en, og oppfordrar alle som er kvalifiserte til å søke stillinga.
Personen som vert tilsett må ha eit personleg engasjement for Øygarden kyrkjelege fellesråd sin visjon og verdiar, og vere medlem av Den norske kyrkja.
Anna
«Nær Gud, nær menneske.» Slik lyder Øygarden kyrkjelege fellesråd sin visjon. I alt vårt arbeid og i alle våre møte med menneske skal vi både kvile i, og strekkje oss etter denne visjonen.
Takknemlegheit, og det å vere tenande og frimodige i arbeidet er sentrale verdiar hos oss. Vi ønskjer medarbeidarar som vågar å reflektere over om praksisen vår samsvarar med dei verdiane vi forkynner og ønskjer å etterleve.
Fellesrådet er stort, vi har om lag 39 000 innbyggarar og 28 600 medlemer.
Kommunesenteret ligg 15 min køyring frå Bergen sentrum. Vi er om lag 50 kyrkelege tilsette. Les meir om oss på www.kyrkja.no/oygarden , ta ein telefon eller kom gjerne innom oss i kontora våre på Straume».
Kontaktinformasjon: