Kyrkjeverje / dagleg leiar

Midt-Telemark kyrkjelege fellesråd lyser med dette ut 

100 % fast stilling som kyrkjeverje/ dagleg leiar.

Me søkjer etter ein person som kan gå inn i arbeidsfellesskapet som ein tydeleg leiar for dei tilsette i fellesrådet. Du må ha evne og vilje til å setja deg inn i det mangfaldige arbeidet som ligg til ei slik stilling. Som kyrkjeverje er du ein nøkkelperson i Den norske kyrkja i lokalsamfunnet, i godt samarbeid med dei tilsette, sokneråda og kommunen. Tilknytta fellesrådet i Midt-Telemark har vi to sokn der vi finn ein kyrkjeverje, sakshandsamar, menighetssekretær, kantor, organist, korleiar, diakon, 5 kyrkjetenarar, reinhaldar, to sokneprestar og ein kapellan.   

Arbeidsoppgåver

• Leiar for fellesrådet si verksemd 
• Sakshandsaming og sekretæroppgåver for sokneråd og fellesråd 
• Personalansvar for dei tilsette i fellesrådet
• Økonomiansvar for fellesrådet sitt budsjett
• Ansvar for drift og vedlikehald av kyrkjer
• Administrasjon av gravplassar
• Dagleg drift av kyrkjekontoret
  
  

Kvalifikasjonar 

Det er inga spesiell utdanning for å bli kyrkjeverje, men sidan dette er ei leiarstilling med totalansvar for verksemda så er det ein stor fordel å ha relevant høgskule-/universitetsutdanning innanfor personal/ HR, økonomi, teologi, offentleg forvaltning og administrasjon eller andre relevante områder. Me vil og leggja vekt på om du har følgjande: Kunnskap om kyrkjeleg drift og organisering, gode kommunikasjonsevner og evne til samarbeid og nettverksbygging, god skriftleg og munnleg framstillingsevne også på nynorsk, kunnskap om rekneskap og praktisk økonomiarbeid.

Personlege eigenskapar

I ei slik stilling er det like viktig kven du er som kor mykje du kan i utgangspunktet. Du bør ha eit sterkt engasjement for kyrkja sin plass og verdi i lokalsamfunnet. Du må ha vilje og evne til å setje deg inn i gjeldande lov- og regelverk, nye arbeidsoppgåver og nye fagfelt. Du må kunna arbeide sjølvstendig og strukturert, samstundes som du samarbeider godt i stab og råd. 

Me tilbyr

• Ein sjølvstendig, spennande, utfordrande og meiningsfull jobb i eit godt stabsfellesskap
• Varierte arbeidsoppgåver og fleksibel arbeidstid
• Nye og gode kontorlokale, digitale verktøy og fagsystem
• Tilbod om relevant opplæring og eksterne kurs
• Løn etter avtale og pensjonsordning i KLP
• Kollegaforum i prostiet og i bispedømmet 

Kyrkjeverja må vera medlem i Den norske kyrkja, og vera lojal mot dei ordningar og vedtak som gjeld. Den som vert tilsett, må leggja fram politiattest av nyare dato, jfr. Lov om tros- og livssynssamfunn §20. Administrasjonsspråket i Midt-Telemark er nynorsk, og du må disponera eigen bil. Kontorplass er i kyrkjekontora på Bøhaugen og minst ein dag i veka på kyrkjekontoret på Gvarv.

Søknadsfrist: 24. mars

Kontaktperson: Leiar av Midt-Telemark kyrkjelege fellesråd Bjørnar Nesje, 400 11 011

Søknader og CV vert å senda både på e-post til leiar av kyrkjeleg fellesråd bnesje@gmail.com og på papir til Midt-Telemark kyrkjelege fellesråd, Kyrkjevegen 78, 3800 Bø i Telemark. Merk konvolutt med «Søknad kyrkjeverje».