Størstedelen av gudstenester og kyrkjelege handlingar går føre seg i Nissedal kyrkje og Treungen kyrkje. Soknepresten held 52 forordna gudstenester i året. På eit normalår vil det vera om lag 15 dåp, 15 konfirmantar og 20 gravferder. Soknepresten har kontor på kommunehuset i Treungen saman med kyrkjeverja. Til staben høyrer også kantor i 60% stilling og kyrkjetenar/kyrkjegardsarbeidar i heil stilling i tillegg til tett samarbeid med prostidiakonen i Vest-Telemark. Kyrkja har ein viktig plass i bygdene her med særleg god oppslutning om kyrkjelege handlingar og eit godt samarbeid mellom skule og kyrkje. Kyrkjelyden har også eit godt samarbeid med Treungen frikyrkje.
Den flotte prestebustaden ved Nissedal kyrkje kan leigast av prest som ynskjer dette.
Øvre Telemark rommar 11 kommunar med 19,5 presteårsverk og prostesete i Seljord. Prestane møtest jamleg til tenestekonferansar og studiesamlingar, og det er gode samarbeidstilhøve.
Kyrkjelyden har eit variert barne- og ungdomsarbeid, til dømes yngres, søngdagsskule og nattkafé. Eit stort satsingsområde i prostiet er konfirmant- og leiartreningsprogrammet «Ønsket og elsket» med felles konfirmantleir om sommaren og helgesamlingar for ungdomsleiarar gjennom året. Her vil soknepresten samarbeide tett med prestar og ungdomsarbeidarar frå heile prostiet og «Ønsket og elsket» sin eigen stab. Kyrkjelyden har også lokal oppstartshelg for konfirmantane.
Soknepresten i Nissedal gjer for tida teneste i Kviteseid i inntil 25% av stillinga.
Den som blir tilsett må rette seg etter:
- endringar i tenesteordning for sokneprestar/kapellanar og reglar om lønsforhold og aldersgrense for geistlege tenestemenn
- alle avgjerder som måtte bli tekne med omsyn til tenesta og tenestestaden
Det blir nytta nynorsk. Søkar må stadfeste at han/ho meistrar begge målformer.
Den norske kyrkja skal vere ein arbeidsplass med rom og respekt for mangfald, uavhengig av etnisitet, alder, kjønnsidentitet, funksjonsevne eller legning. Vi oppmodar derfor alle kvalifiserte kandidatar til å søkje.
Ved tilsetjing blir det teke atterhald om at den som blir tilsett kan leggje fram ein tilfredsstillande politiattest (barneomsorgsattest).
Det vil bli utarbeidd offentleg søkarliste etter offentleglova § 25, jf. kyrkjeordning for Den norske kyrkja § 42. Anmodning om å få sitt namn unntatt frå denne må grunngjevast i søknaden. Behandlingsgrunnlag etter personvernforordninga er artikkel 6 nr. 1 bokstav b og artikkel 9 nr. 2 bokstav b og g.
Nissedal sokn tilsvarar Nissedal kommune og ligg sør i Vest-Telemark. Treungen er administrasjonsstaden med fleirbrukshus, bibliotek og kino. Her ligg også kyrkjekontoret. Soknet har tre kyrkjebygg: Treungen kyrkje (1863), Nissedal kyrkje (1764) og Felle kapell (1971). Det er barnehage i Kyrkjebygda, Fjone, Treungen og på Felle og desentralisert skulestruktur. Næringslivet i kommunen er variert. Viktige næringar er industri og handverk, handel, reiseliv og turisme og hytteutbygging.
Nisser er ein av dei største innsjøane i Telemark og er eit dominerande landskapsmerke med innbydande sandstrender og svaberg omkransa av blankskura og høgreiste fjell.
Klimaet er svært bra, og terrenget innbyr til turgåing, sommar som vinter. Les meir om kommunen på www.nissedal.kommune.no .
Kontaktinformasjon:
| Arbeidsgiver | Agder og Telemark bispedømme |
| Kategori | Kirker og trossamfunn |
| Arbeidssted | Treungvegen, 3855 Treungen |
| Publisert | 2025-02-17 |
| Søknadsfrist | 2025-03-09 |
| Stillingstype | Fast, 100% |
| Antall stillinger | 1 |
| Sektor | Offentlig |
