Om kyrkjelyden
Tinn sokn omfattar bygdene i øvre enden av Tinnsjøen. Nabosoknet er Rjukan der også senteret for Tinn kommune ligg. Soknet har om lag 3000 innbyggjarar og vert betjent av sokneprest i heil stilling, organist i 75% stilling og klokkarar i deltidsstillingar. Tinn sokn deler diakonar i heil stilling og trusopplærarar i fleire mindre stillingar med Rjukan sokn. Kyrkjekontoret med kyrkjeverje, kontorfullmektig og kyrkjetenarar/kyrkjegardsarbeidarar held til på Rjukan, men bygdestaben har også eigne kontor i bygda, med stabsmøte annankvar veke. Tinn sokn har fire kyrkjer, Atrå (1836), Austbygde (1888), Mæl (1839) og Hovin (1850). I fjellet ligg Skirva fjellkyrkje (1976). Totalt vert det halde omlag 52 forordna gudstenester og 30-35 gravferder i året. I nærleiken av Atrå kyrkje ligg prestebustaden, som presten vil kunne leige av OVF. Huset er bygd i 1974. Til bustaden høyrer garasje og stor hage med mange ulike frukttre. Det ligg i gangavstand frå barne- og ungdomsskule og barnehage. Det er full barnehagedekking i kommunen. Det er også gangavstand til butikk, idrettshall, lysløype og badestrand. Kort veg til skiskyttararena.
Øvre Telemark har prostesete i Seljord. Prestane møtest jamleg til tenestekonferansar og studiesamlingar, og det er svært gode samarbeidstilhøve.
Kyrkjelyden sin visjon
Et levende fellesskap - for alle
Vi ønskjer å vera ei inkluderande, mangfaldig, høgtideleg, tradisjonsberande og livsnær kyrkje.
Kyrkjelyden sine satsingsområde og tiltak
Eit stort satsingsområde i prostiet er konfirmant- og leiartreningsprogrammet «Ønsket og elsket» med felles konfirmantleir om sommaren og helgesamlingar for ungdomsleiarar gjennom året.
Tinndølane har eit relativt nært tilhøve til kyrkja. Mange døyper borna sine og vel konfirmasjon i kyrkja.
Det diakonale arbeidet er prega av mangfald og nyskaping. Kyrkjebladet «Kyrkjebod» er ein viktig kommunikasjonskanal for sokna i kommunen og vert drive av friviljuge og prestane.
Soknerådet har eit godt tilhøve til Tinn Normisjon som driv verdifullt arbeid for born og unge i Austbygde bedehus. Det er også gode samarbeidstilhøve til kommune og lokalsamfunn.
Andre vilkår
Den som vert tilsett må rette seg etter:
- Endringar i tenesteordning for sokneprestar og reglar om lønnsforhold og aldersgrense for geistlege
tenestemenn.
- All avgjersle som måtte bli teken vedrørande tenesta og tenestestad.
Målforma er nynorsk, og den som søkjer må kunne stadfeste at han/ho kan nytta båe målformer.
Kvinner vert oppfordra til å søka.
Ved tilsetting blir det teke atterhald om at den som vert tilsett kan leggja fram ein tilfredsstillande
politiattest (barneomsorgsattest).
Tinn kommune, med eit vakkert kulturlandskap, ligg ved den austlege delen av Hardangervidda. Rjukan by er bygd opp på grunnlag av industrialiseringa tidleg på 1900-talet, medan bygdene representerer ei anna kulturhistorie, der det gamle bondesamfunnet rådde grunnen. I tillegg til primærnæringane har Tinn kommune i dag eit mangfald av industri og servicenæringar og eit rikt kulturtilbod for alle alderstrinn. Turisme er ei næring i sterk vekst, med mellom anna auka hyttebygging i Skirvedalen og Hovin. Området inviterer til rikt friluftsliv sommar som vinter.
Kontaktinformasjon: