Stavanger bispedømmeråd søkjer etter ny sokneprest i 100% stilling, med Vikedal sokn, Sandeid sokn og Imsland sokn som særskilt arbeidsområde, Haugaland prosti.
Her er det laksefiske i Vikedalselva, Kystkulturdagar, motorsportsanlegg og Rootsfestival med friluftsgudsteneste. I løpet av året er det mange arrangement og festivalar. Bygdene er prega av flott natur og populære jaktområder, gode tilhøve for friluftsliv i fjell og skog, samt god tilgang til sjø og rikt båtliv. Det er eit aktivt næringsliv og mange arbeidsplassar frå både inn- og utland. Haugesund ligg ca 50 km vestover, medan Sauda ligg tilsvarande austover.
Sokna ligg i Vindafjord kommune, som utgjer samarbeidsområdet der soknepresten gjer teneste saman med sokneprestane i Ølen og Skjold. Kyrkjelydane har eit godt og aktivt samarbeid med kommunen. Det er gudstenester og kyrkjelege handlingar i Vikedal kyrkje (1881), i Sandeid kyrkje (1904) og i Imsland kyrkje (1861). Kontoret til soknepresten er lokalisert nær Vikedal kyrkje.
Kyrkjelydane i Vindafjord består til saman av 7097 medlemmer.
Medlemstalet i Vikedal er 719, i Sandeid 900, og i Imsland 265.
I fjor var det 86 dåp og 78 gravferder i Vindafjord.
I Vikedal, Sandeid og Imsland var det 22 konfirmantar.
Arbeidet med gudstenesteliv, trusopplæring, konfirmantarbeid og diakoni er prioriterte arbeidsområder. Sokna i kommunen arbeider aktivt saman på ulike områder.
Samarbeidet mellom kyrkja, barnehagar og skular er godt. Vindafjord har kateket i 80 % stilling. I tillegg er det trusopplæringsmedarbeidarar knytt til dei ulike sokna. Det er eit aktivt organisasjonsliv i soknet. Frivillige medarbeidarar er knytt opp imot gudstenester og trusopplæringstiltak. Soknepresten må kunne bidra aktivt inn i kulturen sokna er prega av.
Prosten samlar prestane om lag 10 gonger i året til pastoralsamlingar, som er av fagleg og sosial karakter. Desse blir lagt til ulike stadar i Haugaland prosti, som består av 5 kommunar: Haugesund, Utsira, Tysvær, Bokn og Vindafjord.
Arbeidsoppgaver
- Ansvar for prestetenesta i samsvar med tenesteordning for prestar i Den norske kyrkja.
- Tenestegjere i samarbeidsområdet i Vindafjord kommune.
- Gå inn i bakvakts- og beredskapsordninga i Haugaland prosti.
- Samarbeide nært med stab, sokneråd og utval.
- Gå inn i trusopplæringsarbeidet. Soknepresten har ansvaret for konfirmantarbeidet.
- Enkelttenester ved særskilte behov i heile Haugaland prosti.
- Løfte fram verdien av diakoni, misjon og musikk-/ kulturarbeidet.
- Møte fast i Vikedal sokneråd, Sandeid sokneråd og Imsland sokneråd.
Kvalifikasjoner
Cand. theol./Master i teologi med praktikum eller tilsvarende.
Personlige egenskaper
- Kunne inspirere og motivere.
- Ha evne og vilje til samarbeid.
- Være ein forkynnar som evner å tale relevant for menneske i dag og være ein god sjelesørjar.
- Ha gode samarbeidsevner i forhold til stab, sokneråd og frivillige.
- Ha gode leiaregenskaper, og ha evne til å tenkje strategisk.
- Ha administrative evner.
Vi tilbyr
- Stillinga vert løna etter gjeldande reglar.
- Vanlege regulativmessige godtgjeringar Skyss- og telefongodtgjering etter offentlege satsar.
- Pensjonsinnskot.
- Der er tenestebustad til stillinga. Bustaden har adresse Skeievegen 13, Sandeid, og kan leigast til marknadspris.
Andre opplysningar
- Tilsettingen skjer på dei vilkåra som til kvar tid gjeld for prestar i Den norske kyrkja og den som blir
tilsett må retta seg etter endringar i lover, tariffavtalar, reglement m.m., og dessutan avgjerder som kan
influera på gjeremålet til tenesta, tenestestad og tenestedistrikt.
- Målforma er nynorsk.
- Kvinner og yngre prestar blir oppfordra til å søka.
- Den som vert tilsett bør ha førarkort og disponere bil.
- Opplysningar om samlivsform kan bli innhenta og vektlagt ved tilsetting (jfr. § 30 i likestillings- og
diskrimineringslova).
- Det vil bli utarbeidd offentleg søkarliste. Opplysningar om søkaren kan bli offentleggjort, sjølv om ein
ber om ikkje å bli ført på denne lista (jfr. offentleglova § 25, 2. ledd).
- Den som blir tilsett må legga fram politiattest (barneomsorgsattest) utan merknader.
- Ved tilsetting vil det bli lagt vekt på dei særlege krava som blir stilte i utlysningsteksten. Søkjarane blir
bedne utforma ein egenpresentasjon i søknaden sin som svarer på dei utfordringane som kjem fram
i utlysningsteksten.
- Alle søkjarar må søka elektronisk.
Kontaktinformasjon: