Dagleg leiar i Radøy sokn og Lindås sokn
Alver kyrkjelege fellesråd har ledig fast stilling (100%) som dagleg leiar, for tida med arbeidsstad Radøy sokn og Lindås sokn. Stillinga er delt mellom Radøy sokn, Lindås sokn og fellesrådet. Som dagleg leiar vil du delta i fellesrådet si leiargruppe, og også bidra til å løysa oppgåver for fellesrådet. Stillinga som dagleg leiar krev ein allsidig og trygg leiartype som klarar å skape gode relasjonar og bygge tillit. Ønsker du å skape ein god organisasjonskultur i samarbeid med tilsette og frivillige? Er du ein dyktig administrator som likar å motivera og engasjera? Vil du bidra til å oppfylle visjonen "Meir himmel på jord"? Då er du kanskje den vi søker! Kyrkjeorganisasjonen i Alver blei etablert i samband med kommunesamanslåinga i 2020, og består av 5 sokn og driftsavdeling. Sjå kyrkja.no/alver for meir informasjon om sokna og fellesrådet.
Arbeidsoppgaver:
Sentrale arbeidsoppgåver:
- Plan og strategiarbeid, koordinering og organisering i samarbeid med sokneprest og soknerådsleiar
- Saksførebuing og oppfølging av vedtak i soknerådet
- Næraste leiar for dei tilsette i fellesrådet
- Økonomiansvar for soknet med budsjettering og rapportering, og drift av sokna sin givarteneste
- Overordna ansvar for drift av soknekontora og informasjonsarbeid
- Samarbeid med kyrkjeverje i høve strategi- og økonomiarbeid i fellesrådet
Kvalifikasjoner:
- Høgare utdanning på bachelor-/mastergradsnivå, gjerne innan fagområda leiing, økonomi, administrasjon eller kyrkjefag. Relevant erfaring kan kompensera for manglande utdanning.
- Det er ønskeleg med leiarerfaring
- God digital kompetanse og erfaring med bruk av PC som arbeidsverktøy. (Office 365, Public 360, Xledger)
- Erfaring frå kyrkjeleg/kristent arbeid som tilsett eller frivillig er ein fordel
- Lokal tilknytning er ein fordel.
- God munnleg og skriftleg framstillingsevne på norsk
Personlige egenskaper:
- Sjølvstendig, positiv, målretta og evne til initiativ.
- Motivasjon for kyrkjeleg arbeid
- Evne til å motivere og leie andre
- Serviceinnstilt, og villig til å yte det vesle ekstra.
- Vilje til å ta i bruk nye digitale løysingar
- Systematisk, ordenssans, og evne til samarbeid
- Fleksibel og villig til omstilling.
Det vert lagt vekt på at søkaren er personleg egna.
Vi tilbyr:
- Ei variert og utfordrande stilling med mange viktige oppgåver i gode arbeidsmiljø
- Lønn etter gjeldande tariff
- Forsikringsordningar gjennom KNIF Trygghet
- Pensjonsordning gjennom KLP
- Gode digitale verktøy
Annet:
Søkar må ha førarkort klasse B og må disponere bil.
Ein del kvelds- og helgearbeid må påreknas.
Det kan skje endringar i ansvar og oppgåver.
Søkar må være medlem av Den norske kyrkja.
Kontaktinformasjon:
John Fredrik Wallace, 482 84 872