Er du ein prest som er glad i folkekyrkja og som kan tenkje deg å jobbe saman med ein engasjert stab og frivillige? Då er du kanskje den neste soknepresten i Ryfylke prosti med eit særleg ansvar for Jørpeland sokn.
Jørpeland kyrkjelyd har visjonen: OPEN KYRKJE - LEVANDE TRU
Strand kyrkjelege fellesråd er delt inn i to sokn: Jørpeland og Strand. Om lag 7000 bur i Jørpeland sokn. Jørpeland sokn har ei kyrkje som ligg i sentrum av Jørpeland. Kyrkja er ei arbeidskyrkje frå 1969. Det er gudsteneste kvar søndag. Jørpeland sokn ynskjer å legge til rette for eit aktivt og variert kyrkjeleg arbeid som når breitt ut. Kyrkjelyden arbeider systematisk med å utvikle eit nettverk av smågrupper og frivillige, og har i dag 17 husgrupper og kring 10 -15 frivillige engasjert i kvar gudsteneste. Barne- og ungdomsarbeidet går føre seg i kyrkja. Det er eit nært samarbeid mellom stabane i Strand og Jørpeland sokn, m.a. om ungdomskor og Alfa-kurs. Staben består i dag av sokneprest, dagleg leiar, kateket, organist, barnearbeidar og kyrkjetenar. Dei tilsette har kontor i kyrkja.
Ryfylke prosti dekker kommunane Sauda, Suldal, Hjelmeland og Strand. Strand kommune ligg heilt sør i prostiet og er med sine om lag 13000 innbyggjarar den største kommunen i prostiet. Jørpeland er kommunesenter i Strand, og fekk bystatus i 1998. Strand og heile Ryfylke-regionen er knytt til Stavanger gjennom den undersjøiske biltunnelen Ryfast. Køyretid til Stavanger er ca 20 min. Kommunen har eit rikt skule- og organisasjonsliv, og mange sterke bedrifter som er prega av nytenking og utvikling. Strand er og kjent for sin flotte natur, med den markante Preikestolen som det mest kjente turistmålet.
Arbeidsoppgåver
- Presteteneste i samsvar med tenesteordning for kyrkjelydsprestar og Den norske kyrkja sine ordningar og strategiar.
- Gudstenester og kyrkjelege handlingar etter oppsett plan i prostiet.
- Trusopplæring, konfirmantar og skule-kyrkjesamarbeid.
- Institusjonsandakter.
- Medlem i Jørpeland sokneråd.
Kvalifikasjoner
- Cand. theol./Master i teologi med praktikum eller tilsvarande.
Personlege eigenskapar
Du er ein prest som har:
- Evne og vilje til samarbeid i høve til stab, frivillige, sokneråd og kyrkjelyden si kontaktflate i byen.
- Evne til å ta initiativ og arbeida målretta og sjølvstendig i godt samspel med stab og sokneråd.
- Evne og vilje til tverrfagleg samarbeid og teamarbeid med stab og frivillige.
- Evne til å kunne kommuniserer med born, unge, vaksne og eldre i ulike livssituasjonar.
Vi tilbyr
- Stillinga vert løna som sokneprest etter gjeldande reglar.
- Vanlege regulativmessige godtgjeringar.
- Skyss- og telefongodtgjering etter gjeldande satsar.
- Pensjonsinnskot og medlemsskap i Statens Pensjonskasse etter ordninga for prester som er tilsette i rettssubjektet Den norske kyrkja.
- Det vert gjeve tilbod om arbeidsvegleiing (ABV).
Andre opplysningar
- Tilsettinga vert gjort på dei vilkår som til ei kvar tid gjeld for prestar i Den norske kyrkja og den som vert tilsett må rette seg etter endringar i lover, tariffavtalar, reglement m.m., samt avgjerder som kan influere på tenesta sine gjeremål, tenestestad og tenestedistrikt.
- Målforma er nynorsk.
- Kvinner og yngre prestar vert oppfordra til å søkje.
- Den som vert tilsett deltek i bispedømmet si beredskapsordning.
- Den som vert tilsett bør ha førarkort og disponere bil.
- Opplysningar om samlivsform vil kunne bli innhenta og vektlagt ved tilsetting (jf. § 30 i likestillings- og diskrimineringslova).
- Det vil bli utarbeida offentleg søkarliste. Opplysningar om søkjaren kan bli gjort offentlege, sjølv om ein ber om ikkje å bli ført på denne lista, jf. Offentleglova § 25 andre ledd.
- Den som vert tilsett må legge fram politiattest (barneomsorgsattest) utan meknadar.
- Ved tilsetting vil det bli lagt vekt på dei særlege krava som blir stilt i utlysingsteksten. Søkjarane blir bedne om å utforme ein eigenpresentasjon i sin søknad som svarar på dei utfordringar som kjem fram i utlysingsteksten.
- Alle søkjarar må søkje elektronisk.
Kontaktinformasjon: